Severiano Ballesteros ahaztezinak diseinaturiko Izki Golg zelaia berrikuntza garbia da golf kirolaren arloko arkitekturan. Zulo ikusgarrien trazadura eta haritzez nahiz gorostiz inguratutako kale zabalak direla eta, Izkin aritzea esperientzia bikaina da golf jokoaz eta natura peto-petoz gozatzeko.

Seve Ballesteros golf jokalariak nazioarteko txapelketetan hartutako eskarmentu handiari esker, Trajectory sortu zuen 1986an. Enpresa horrek golf zelaiak diseinatu zituen munduko leku askotan, hala nola Eskozian edo Japonian, eta guztietan ere golf jokalari handiaren filosofia islatzen da, ingurumenaren ikuspegitik nahiz jokoan aritzeko estrategiaren ikuspegitik. Sevek edertasun handiko zelaiak diseinatu zituen eta, aldi berean, oso zorrotzak jokalarientzat.  Ballesterosek begirune handia izan dio beti izadiari, espezie autoktonoei eta ingurune naturalari. Horren guztiaren adibide bikaina 1994. urtean inauguratutako Izki Golf dugu.

Hauexek dira Izki Golf zelaiaren ezaugarriak: 18 zulo (parea: 72), 98 hektareako lursail batean, guztira, 7 kilometroko ibilbidean.