Eduki publikatzailea

Senda Bujanda - Izki

Bujanda bidezidorra

Bidezidorraren deskribapena

Korres eta Bujanda artean

Bidezidorra Korresen hegoaldean hasten da, Cueva de la Ballena izenekoaren inguruetan. Handik metro batzuetara, ezkerrera jo behar da, heskaiz apaindutako bide batetik. Amildegiko ibilbide bihurgunetsutik zehar, orain dela ehun urte inguru eraiki zen Aranbaltzako urtegira heltzen da. Ibaiaren ibilguari jarraituz, Muela eta Soila mendien kareharrizko hormatzarren artetik, eskuinerantz jo eta Antoñanako zentral hidroelektrikoa hornitzen duen ubidea gurutzatu behar da. Toki horretan, Izki ibaiak eratutako sakanean dagoen haltzadi zoragarria nabarmendu behar dugu. Berehala, bidezidorra utzi eta ezkerrean dagoen zidor batetik joan behar da, Soila eta Peña del Castillo ikusten direneko soilgune batera heldu arte. Geroago, Izki ibaia zeharkatuko dugu Lagabia zubitik eta bidezidorrean aurrera egingo dugu, Villanueva muinoa eta Fraidearen amildegia eskuinaldean utzita. Hortik bi bide irteten dira, bata ezkerrera, ibaira jaisten dena, eta bestea eskuinera, Monte Oscuro deiturikora doana, Muela mendiaren magalean. Ibiltzen jarraituta, haitzartearen ondotik eremu irekiagoa dago, Bujandatik gertu, bidea inguratzen duten labore eta heskaiak ageri direla.

DATUAK

Zailtasun txikia
Denbora

 40 min.

Malda

 109 m.

Distantzia

 3,6 km

Beste bidezidor batzuk

Ruta cercana

San Roman bidezidorra

Korres eta Durruma Kanpezu artean

Ikusi gehiago
Ruta cercana

Uribarri bidezidorra

Korres ingurutik (Monasterioa) El Cura pagoraino

Ikusi gehiago